韋家雄曾做童工欠下巨債 捱足30年終獲肯定

最近TVB重播《法證先鋒》，喺劇中飾演歐陽震華下屬，科學鑑證主任嘅韋家雄，其實已入行30年。多年來一直默默耕耘，演過逾百套劇集嘅佢，憑住精湛嘅演技，喺2015年奪得萬千星輝頒獎典禮「最佳男配角」，可謂終於「捱出頭」。不過韋家雄一路走來並不容易，佢唔止有段悲慘童年，仲曾經因生意失敗，爭落一身債。

{{hket:inline-image name="3.jpeg"}}{{/hket:inline-image}}

（TVB電視截圖）

{{hket:inline-image name="TUNGSTAR5666280.jpg"}}{{/hket:inline-image}}

(Tungstar)

韋家雄自小父母離異，佢曾經表示過好憎爸爸。韋家雄指，爸爸開設塑膠廠，生意愈做愈好，賺到錢後就同咗第二個女人一齊，拋低咗佢三兄弟妹及媽媽。佢憶述當年屋企真係好唔掂，於是山長水遠由土瓜灣去到太古城，問爸爸拎一、二百元救濟，但都被拒絕了。同媽媽相依為命嘅佢，非常生性，12歲已經做非法童工，喺酒店賣點心，甚至做清潔幫人倒垃圾，賺錢幫補家計。不過年紀細細，始終冇能力賺到好多錢，一家四口一日三餐都成問題。韋家雄經常會落樓下士多賒罐頭，老闆會用簿先記低數帳，等佢月尾出糧後再去找數。

{{hket:inline-image name="6bf48486jw1dokptueb64j.jpg"}}{{/hket:inline-image}}

韋家雄讀完中六後，曾做過廣告攝影師，1989年報讀亞洲電視藝員訓練班而入行，成為亞視演員。1995年則轉投無綫電視。而喺2008年，佢一度暫別演藝圈，專注發展LED燈生意，其公司設在日本福岡，仲曾經接過唔少大型活動，如除夕倒數及北京奧運等。不過當時因未熟識生意上嘅運作，加上俾好友欺騙，搞到蝕咗好多錢。後來又投資咗近50萬發展LED燈生意，不過2011年日本福岡大地震，令佢喺當地所設嘅廠房全部倒塌，日籍拍檔全家身亡，最後韋家雄爭落一身債，為咗還錢，連搬運工作都頂硬上，幾經辛苦先能夠還清所有債務。

{{hket:inline-image name="6bf48486jw1e2lu39ovg1j.jpg"}}{{/hket:inline-image}}